Sunday, January 08, 2006

TULA - Anonymous

Ewan Ko



Nang una kang makita, parang wala lang
Ika'y estudyanteng kaklase ko lamang
Taong laging kasama sa klaseng bilang
Dinidinig turo ng ginoo't ginang


Sa pagsagot ng tanong ng mga ito
Kahit mga sagot 'di naman kumpleto
Kasama sa tawana't kakulitan mo
At ng ibang mga kaklaseng magulo.


Habang lumilipas taong sinusundan
'Kaw ay nang-aasar, kinakakulitan
Ano'ng turing sa'yo, sa anong paraan?
Kaklase nga lang ba, pinag-iisipan.


Ang pang-aasar ay hindi alintana
Napapasaya pa nga at natutuwa
Ngayon, kung ako'y tumingi't tumingala
Sa'yo, may damang ako'y walang hinuha.


Ngayon, 'di lang sa klasrum 'ka'y napapansin
Maski sa kantina t'wing walang aralin
Ang mga paa ko, san man ako dalhin
Ika'y 'di nawawala sa'king paningin


Masaya ako, nakakausap na kita
Sa biruan at sa usapang maganda
Nalama'ng mga bagay, minsa'y 'di puna
Ewan ko. Ang tingin sa'yo, ano nga ba?


Natutuwa ako, ako'y pansin mo pa
Natut'wa rin ako 'pag 'ka'y nakikita
Akala'y may interes ka, wala pala
Dahil nalamang may ibang sinisinta.



-Anonymous
ano to??6:55 PM

<- back to entry^_^

*-----.o(=3)-----*